Ала Аляксееўна Войлакава нарадзілася 4 мая 1953 года ў вёсцы Гарадзішча Магілёўскага раёна.
Скончыла Гарадзішчанскую васьмігадовую школу і Магілёўскі бібліятэчны тэхнікум імя А.С.Пушкіна. Працавала загадчыцай сельскай бібліятэкі на Віцебшчыне, з 1978 года па 2008 год – ва ўстановах культуры Бялыніцкага раёна.

Вершы друкаваліся ў перыядычным друку, у зборніках “Галасы Прыдняпроўя”, “Праменьчык сонца ў душы маёй”. Яна з’яўляецца аўтарам тэкстаў музычных кампазіцый “Блюз Белай Ночы” (музыка Ю.Несцярэнкі), “Бялынічане, бялынічанкі”, “Прыдруцкі вальс”, “Белая Русь” і др. на музыку Віктара Халадцова.

У зборнік уключаны вершы розных гадоў, галоўная тэматыка якіх – любоў да роднага краю, успаміны пра дзяцінства, асэнсаванне розных праяў жыцця. Асобны раздзел складаюць тэксты песен, якія сталі своеасаблівай музычнай візітнай карткай нашага раёна. Уключаны ў зборнік і пераклады, сярод якіх вершы першага вядомага паэта – уражэнца Бялыніччыны Зянона Фіша.